عايشه لربنا

بنت عايشه لربنا وكانت بتحب ربنا اوى اوى وكانت بترفض اى عريس بيتقدم ليها بدون اى سبب واهلها كانو بيكلموها وراحو لأب اعترافها علشان يتكلم معاها وكان ردها واحد وكانت تقول انا مش حاخد واحد غير من ايد ربنا حتى أبونا كان بيقولها يعنى ربنا حيظهر ليكى ويقولك هو ده عريسك
تقول انا مليش دعوه لازم اتجوز
واحد من ايد ربنا.
وفى يوم وهى نايمه حلمت إن ظهر ليها رب المجد يسوع المسيح وقالها عريسك حيكون عندك بعد 3 أيام وصحيت من النوم وحكت لأهلها والأب اعترافها ومحدش صدق كلامها وقالو نستنى ونشوف وبعد 3 أيام جالها واحد واتقدم ليها وهى من غير ماتشوفه وافقت وقالت ده من ايد ربنا
تخيلو بقى يطلع ايه؟
يطلع بيلعب قمار وبيشرب خمر وكان بيضربها وبيعذبها ومطلع عينها وهى كانت بتحتمل كل حاجه بفرح وفضلت كده طول عمرها وفى اخر ايامها جالها مرض وتعب وفى يوم انتقالها كانت موجوده على السرير مع ابونا وجوزها وأولادها وندهت على جوزها وباست ايده وقالتله اشكرك على كل حاجه فقالها انتى بتشكرينى وانا مورتكيش يوم حلو طول حياتك قالتله لكن ربنا ورانى الاكليل الى ليا فى السما علشان احتملتك طول عمرى
وانتقلت للامجاد السماويه بسلام عجيب
ما أعظم ايمان هذه المراة
وما اعظم محبتها لزوجها واحتمالها لكل الاهانات والضرب
احتملته حتى الموت ولم تتذمر أو تطلب الطلاق
ولكن احتملته بفرح لأنه من يد المسيح
والله اعد لها أكليل فى السماء بسبب أحتمالها
الله يعطى كل زوجة أن تحتمل زوجها حتى ولو كان قاسى
تحتمله من أجل المسيح والله سوف يعوضها فى الملكوت
عن احتمالها

..