صلاه للتوبه

سامحنى يارب انا الخاطى, سامحنى يارب دة انا كلى معاصى ,لكن واثق فيك انك مدد اديك وتقولى ارجع يا ابنى انا مستنيك, عارف انى سبب الالام وكل الكان لكن انت يارب صاحب السلطان قلبك كلو حنان مش هتسبنى مهما كان , الدنيا مليانا هموم وكل يوم يزيد الهم عن يوم وابكى بدمع العين مستنى القى معين وانت واقف على الباب بتخبط وانا سادد ودانى عليك, لكن يارب خلاص انا مش طايق غدر الناس حاسس انى لوحدى غريب حتى وانا مع اقرب حبيب ,انا راجع وكلى دموع انا راجع سامحنى يايسوع ,انا راجع عطشان ان اشرب من ماء الديان ,انا راجع وكلى انين من كل الفات من سنين ,لو عديت كل الفات لو عديت كل الاهات وكمان لوعديت الجراح وحسبت كل الافراح هطلع انا الخسران تهت فى عالم اوهام والفرح فى هو الالام ولما نظرت اليك وانت يا اعز حبيب بتدى من غير حساب واتالمت علشانى كتير وتجرحت ولبست اكليل الشوك وانا لسة بالحربا بديك وبالكرباج بضرب فيك بقيت من نفسى خجلان وخلاص انا هبعد عن الشيطان وراجع ليك يايسوع وانا واثق انك هتقبل الدموع وهتسامحنى ,سامحنى يارب انا الخاطى

يااااااااااااااه كلام بجد جميل ربنا يباركك تينا ويعوضك خير