ضيوفك اكتر من عشره وعايزه تعملى نسكافيه برغوه كتييييييييره

ضيوفك اكتر من عشره وعايزه تعملى نسكافيه برغوه كتييييييييره تعالى وانا اقولك
بصو بقى يا حلوين الطريقه سهله جدا ولا مجهود ضرب النسكافيه بالمعلقه ولا حتى بالمضرب ولا حاجه
المقادير
كوب نسكافيه
كوب سكر
كوب ماء درجة حرارة الغرفه (من الحنفيه يعنى)
الطريقة
نضع كل المقادير فى الخلاط لحد ميتكون خليط مثل الكريمه بالظبط
بعد كده نضع الخليط فى علبة تلاجه شفافه ونضعها فى الفريزر على الاقل لمدة ساعه
وبعدين تجيبى كوب حليب مغلى وتضيفيله معلقه مليانه من الخليط وتتركيه لمدة دقيقه واحده وبعدين تقلبى بخفه
وبعدين تجيبى شوية نيسكافيه ناشف وترشيه على الوجه ده علشان يبقى زى بتاع الكفيهات بجد
وبعدين اشربيه وهتدعيلى فنجان نيسكافيه هايل والرغوه ايه كتيييييييييييير
على فكره انتى هتحتفظى بباقى الخليط فى الفريزر لانه هيبقى كتيير ويكفى كذا فنجان وتخرجيه من الفريزر فقط وقت الاستخدام
وممكن تسيبيه فى الفريزر فتره طويله بس مش اكتر من شهر يعنى اعتقد ان طعمه هيتغير
منقول