غيرك يارب مليش يارب بدعيلك

يارب بدعيلك تسامحنى علشان اقدر اعيش
غوانى الشيطان كتير لكن غيرك مليش

جيتلك وانا ندمان على اللى عملته زمان
جيتلك ضعيف جبان بدعيلك وانت سامعنى

جيتلك رافع ايديا ودموعى جوة عنيا
بدعيلك تسامحنى وتغفر ذنوبى ليا

لفيت كتير وكتير ورجعتلك ذليل
بدعى تغفر ليا اى ذنب كبير

ظلمت نفسى زمان وكأنى مش انسان
واما فوقت لنفسى جيتلك وانا ندمان

بدعيلك تنجينى ومن نفسى تحمينى
ما انت بس اللى قادر تهدينى وتقوينى

كان قلبى ظالم زمان علشان مفهوش ايمان
رجعتلك وانا ندمان بدعى يارب تسامحنى

اغفر ليا ذنوبى وامسحلى سيئاتى
انا من غيرك ياربى مش هعرف اعيش حياتى

ابعد عنى الشيطان واملى قلبى ايمان
قربنى ليك كمان معاك هكون فرحان

ارحمنى من عذابى وصحى فيا ضميرى
انا مش عارف ياربى من غيرك ايه مصيرى

جيتلك باصص لفوق بدعيلك تسامحنى
جيتتلك وانا كلى شوقى من ظلمى ريحنى

منا غيرك انت مليش برضاك بس هعيش
وياريت متخلنيش اظلم نفسى تانى

انا كنت زمان انانى لكن طريقك هدانى
رجعنى لنفسى تانى خلانى ادعى ليك


منقول للامانه