يوميات زهقان

يوميات زهقان

عايش حياتي زهقان في ملل
ماليش أي رجاء ولا حتي عندي أمل
مش حابب أعيش لبكره
وامبارح مالوش عندي أي ذكرى
عايش ليومي غرقان في وسط همومي
وياتري أنا مخلوق مهم ولا اصبحت نكرة

أنا ليه طب حي .. طب ليه موجود
ياتري في هدف ولا صدفة بالوجود
أنا عايش ليه وعلي شان إيه

عندي اسئلة كتير وخلاص وقف التفكير
يااااه مش قادر اتكلم خلاص خلص الكلام
ياتري انا بحلم ولا دي حقيقة وسط الايام

بس يمكن هي دي الحقيقة
ده اليوم بيعدي عليّ بالدقيقة
والفرح فيّ دايما مش كتير

اصبحت أنا للحزن أسير
كل يوم مليان اخبار جديدة
كام بركان علي زلزال وكمان اغتيال
طب بالذمة دي تبقي حياة

الظاهر كده إني ماليش فيكي مكان
أصلك يا دنيا مليانه بكا وأحزان
بنخاف فيكي نفرح ونقول ربنا يستر
أصل الفرح ده زياده وكمان فوق العادة
والاخلاق فيكي مافيش ماتتلقاش
وأنت كل اللي فيكي ضحك وترويش
مفيش فيكي أي امان
وملعون اللي يتكل علي إنسان
ياه يايوم دا أنت كلك هموم وغيوم
بالبكاء تعدي وأحزانك بتدوم

ياتري يادنيا فيكي أمان
ليه اتوجدت فيكي كانسان
بدور فيكي علي أي معني
أو حاجة بينا تجمعنا
ونهايتي بعدك أية؟! .. سما ولا نار
من كتر الفكر تعبت ومحتار

ده كلامي اللي جوايا وحاسس بيه
ياريت يوصلك وتفكر فيه

بجد احساس صعب ومولم وانا زيك زهقت من كل حاجه فى حياتى وكنت بتمنى الموت بس ربنا موجود ويحمينا من الضيقات امين تسلم ايدكى مريم بنت البابا