3 مشترك

مديح امنا ساره

tena: عدد المساهمات : 158
تاريخ التسجيل : 07/07/2010

مساهمة رقم 1

مديح امنا ساره

مُساهمة من طرف tena الأربعاء يوليو 07, 2010 4:47 pm

فى سماء المنتصرين .. كوكب جديد منير .. انتقل للسمائيين
طوباكى يا امنا ساره

فى عام تسعة وتلاتين .. ولدت قديستنا الباره .. من ابوين تقيين
طوباكى يا امنا ساره

ربوها على الانجيل .. حفظوها التعاليم .. والتسابيح والتراتيل
طوباكى يا امنا ساره

عملت بكلام الانجيل .. منذ حداثتها .. نفذت وصاياه بتهليل
طوباكى يا امنا ساره

كبرت مع الايام .. وقلبها بيسوع مليان .. حتى جابت 15 عام
طوباكى يا امنا ساره

حبها لملك السلام .. فى قلبها كان يزداد .. فأرادت تعيش معه على الدوام
طوباكى يا امنا ساره

اشتهت حياة الرهبنه .. فقصدت دير انبا بضابا .. وفيه عاشت امنا الحنونه
طوباكى يا امنا سارة

لم تطلب فى حياتها معونه .. وهى لازالت صغيره .. غير من خالق المسكونه

طوباكى يا امنا ساره

عاشت حياة النسكية .. فى جهادها الروحى .. فى حياتها الرهبانية
طوباكى يا امنا ساره

فى حياتها لم تلوم .. مقصر او خاطى .. بل عنه تصلى وتصوم
طوباكى يا امنا ساره

كانت مرشد امين .. لكل من أتاها .. طالبا نصحاً ثمين
طوباكى يا امنا ساره

كانت دايما بتعزى .. الحزانى المكسورين .. وللمجروحين كانت تشفى
طوباكى يا امنا ساره

بشفاعة حبيبها .. وصاحب كنيستها .. الانبا بضابا شفيعها
طوباكى يا امنا ساره

عملت عجائب كثيره .. من شفاء المرضى .. وهروب الارواح الشريرة
طوباكى يا امنا ساره

تحملت ألام كثيره .. مريره فى جسدها .. وكانت دايما شاكره
طوباكى يا امنا ساره

وفى اخر حياتها .. ازدادت الاوجاع .. ولم تسكت صلواتها
طوباكى يا امنا ساره

حتى جاء يوم خمسة وعشرين .. من شهر مايو .. عام تسعه بعد الالفين
طوباكى يا امنا ساره

تنيحت امنا القديسه .. بسلام بعد الألام .. لتكون للمسيح عروسه
طوباكى يا امنا ساره

فقدناكى ام حنونه .. خسرناكى من وسطينا .. كسبناكى لينا شفيعه
طوباكى يا امنا ساره

يا امى اذكرينا .. امام عرش النعمه .. تغفر لينا خطايانا
طوباكى يا امنا ساره

بشفاعتك لا تنسينا .. المسيح يرحمنا .. ويكون دائما معنا
طوباكى يا امنا ساره