الرئيسية
أحدث الصور
من طرف حلم وراح وايه يعنى
حب وضااع وليه يوجعنى
طول عمرى حتى وانا بضحك حزين
طول عمرى وانا ساكن بقلبى الانين
الموت اتمنيته ويا ريتنى لاقيته
اتعزز عليا مع انى بجد اترجيته
سؤال حيرنى عمرى كله.. هو انا ليه فى الدنيا دى ماليش مكان
هو انا ليه الفرح دايما منى تايه وليه حلمى جوايا خامل كسلان
هو انا مش انسان لازم احب واتحب كمان
ولا انا مولود يتيم ومكتوب انى اعيش هربان
الحنين عمرى ما حسيته هحن لمين وانا فى حياتى مفيش انسان
جوايا خوف طفل سابته امه فى عز البرد عريان
نفسى اصرخ صرخة تعلم بوجعها على الحيطان
بحلم اتحرر وافك القيود ويبقالى كيان
لكنى عارفه حلمى جوايا هيعيش ويموت جبان
حياتى وانا عارفاها وشاهد عليا تاريخى زمان
